馬交野 | 專注於傳統遊戲文化研究的玩家

SDEX 巴巴托斯天狼座 / SDEX 命運 不過這一兩個模的問題，而是整個SDEX都需要大量補色。雖然外型不錯，強行把玩還是可以的。但因為工作量問題，沒有時間或者耐性，就盡量不要碰。想要練手嘅朋友反而可以多買。 EG Nu 主體套件是沒有問題的，問題就是官方一直沒有推出配件包。筆者試過買Fake Nu 背包，能安裝，但會有重量不平問題。正式配件包，據說下年是會推出的。有愛可以考慮先團主體，然後等配件包，避免事後加價。不想等的話，可以買副廠配件包也可以。那為何筆者會買它呢？主要是初期練手刻線為主。EG的特點是造型可以，但板件數不多，可以快速到實驗你想試的事。 HG EXIA  舊模，純情懷向，需要補色。第三方水貼亦唔見有，真係要靠自己。可動唔算好好，但得益於輕裝甲的設計，裝甲干涉唔多。能做完還是很有吸引力的，但真的要花功夫。 RG Wing Zero EW 天使翼有一個很特別嘅吸引力，上支架可以做出好多華麗嘅造型。因為呢款係舊款RG模型，所以有軟骨問題，好在佢唔係走Seed 系路線，靠一雙翼都可以有好多變化。硬要走手持巨炮的路線，就要考慮使用多支架。 HG Mighty freedom 去年劇場版模型，雖然係新設計，拼裝體驗是很好的。但外型對比MR魂，榮耀防衛者有一些決定性的缺陷，翼的張開角度沒能完好配合身體。除非大家識自行改造，如果唔係背包會有少少奇怪。平時亦需要支架支撐。 原本還有兩隻想介紹的模型，不過因為真係純粹吐槽，就不介紹了。今年嘅分享就到呢一度，新嘅一年，祝大家心想事成，事事順利。

續上編分享，繼續曬一下筆者推薦的模型 HG 炮型脈衝 呢一款係筆者第一款買嘅PB 模型。因為算係新生系列中比較舊嘅款，所以若要效果好，就要大量補色。而且因為係PB，所以說明書說上沒有官方作例，筆者只可以參考RG模型作補色。 另外，筆者都做咗一個嘗試，就係加入花紋貼紙（RG 借來的），整體即刻提升咗一個層次。所以若果唔想做太多功夫嘅朋友，都可以搵搵有冇第三方水貼。 HG 命運 呢款係模型圈裏面唔少人推介嘅模型，有些玩家都話可以直接平噴，唔需要做複雜嘅遮蓋上色。筆者就理解為，對於素組玩家嚟講應該更友善，唔需要自己補色。筆者製作之後，覺得翅膀還是有點素，如果唔買水貼嘅話，要喺翅膀補色落返啲功夫。 整體可動性唔錯，但唔可以同MR魂比，翅膀比較受限，大刀同大炮亦冇MR嗰種局部放大的設計，如果你按照MR官圖去拍攝，你可能會覺得HG 少咗一份氣勢。除此之外都算正常發揮。 HG 維爾達 便宜好物，只要你識補色就可以。呢款模型有一啲白色或者奶白色嘅補色貼紙，真係要落筆補色要考慮遮蓋力問題。想偷懶嘅話，用返貼紙亦都OK。其他部份都係深灰色補色，遮蓋力，一般都冇問題。因為肩甲上邊有花紋，前裙甲亦係特殊造型，唔需要特別買水貼去提升線條感。 HG GQuuuuuux 今年嘅新作品，結構真係好特別，冇進行補色，亦冇滲線，整體顏色已經好鮮艷。 唯一比較難接受嘅，就係佢嘅頭部造型。如果你接受到造型嘅話，只要唔係價錢出現溢價，都可以買。最近（年底）亦見到有價格回落嘅情況，所以係一個好好嘅出手時機。 和模線 塔斯提爾 上年發售嘅國模產品，筆者今年先正式完成。和模線唔算係一個內卷廠商，無合金骨架，但係佢嘅設計嘅産品都仿人形，比例做得唔錯，構造有心思，體驗好過魔動核好多。唔洗補色，亦唔使靠水貼去提升細節。部份地方有蝕刻貼，只限於眼睛部份。 值得推薦的部份已經講得差不多了，下一期就介紹一下筆者踩過的坑。

筆者呢一年都不斷分享製作模擬經驗，但就好少分享自己嘅作品。其實筆者今年都砌咗相當數量嘅中小比例模型，主要都係集中喺 1/144嘅比例。 因為大部份都係過去嘅商品，所以筆者就唔做年度最佳的評比。就係針對筆者個人嘅收藏目標，推薦一啲筆者認為有質素嘅商品。筆者同大眾嘅審美不太一樣，最主要因為筆者考量自主站立嘅關係，例如好多大背包機體，對澳門土地資源短缺環境，長期保存嚟講都係唔合適，所以呢類都唔係筆者收藏的首選。最後入圍筆者嘅名單，通常係一啲輕型機、人型機。 HG 新生紅渣古 UC 元祖呢個系列，代表住最原始嘅設計，對於玩慣後期系列嘅朋友嚟講，紅渣古真係好樸素，就係因為呢種樸素令佢身上面嘅線條設計比較獨特，再加上佢係圓面裝甲比較多，佢所需要嘅製作加工工序唔多，簡單加深刻線，唔需要補色都已經有好高完成度。 HG 不朽正義 上一年嘅劇場版機體，如果你依家買嘅話價錢應該係回落到一個好合適嘅價錢，佢同其他主角機唔太一樣，因為佢背包係得兩片細細嘅翼，想要站立係好容易。加上佢係匕首格鬥機，玩法比較特別。而且係新嘅設計，補色亦無rising freedom 咁多，好適合爽砌爽玩。 HG 無限正義二式 如果背包嘅規則嚟講，呢台機應該係唔符合筆者嘅標準。但因為呢部機嘅背包，係一台小飛機，可以單獨拆出作為展示。就展示+可玩性，一齊考量，整體都算唔錯。（除咗價錢比較硬之外。） 原本mighty strike freedom 都想列入其中，但最尾還係除名。考慮榮耀防衛者，對於整台機體的展示方式，收納時候好臃腫，分開展示，主體機又顯得好肥，而且背翼展開，對於MR魂，的確差咗一個等級，所以呢台機就冇推薦。 EG Build Strike Exceed Galaxy 簡單粗暴特別。 因為筆者喺素組嘅途中整壞咗頭部，所以用咗其他棄件代替。亦因為咁，意外地創造咗一種新感覺。因為呢個系列係鼓勵自由組合，整出嚟效果唔會太差。不過就係EG嘅關節容易損壞，所以把玩要很小心 EG Perfect strike 不過不失。背包雖然重，但係因為有大件同埋大炮可以作為支撐，收納情況下，可以自主站立（當然上支架可以更挺），對比筆者過去舊有嘅RG， EG呢一款雖然細節比較少，但比較硬淨。RG 多年之後好多件都要落膠水黐死，EG 相對冇咁容易鬆脫。站屍一流。 本年度筆者還有其他推薦的模型，不...